Հայաստանը եվրոպական մեծ ընտանիքի անդամ
Սկանդինավյան երկրների հետ հարաբերությունների նոր հիմքեր
01 Փետ 2013  

Բարեգործության կողքին նաև զարգացման ծրագրեր

2008 թվականի փետրվարի 2-ին Հայաստանի Հանրապետության Նախագահ Ռոբերտ Քոչարյանն ընդունել էր Հայաստանյաց Ավետարանական Եկեղեցու հոգեւոր խորհրդի պատվիրակությանը` վերապատվելի դոկտոր Ռընե Լեւոնյանի գլխավորությամբ:

Ընդգծելով տարիների ընթացքում ձեւավորված արդյունավետ համագործակցությունը, Ռոբերտ Քոչարյանն ասել է, որ գնահատում է ավետարանականների կատարած աշխատանքը եւ դրա շնորհիվ ստեղծված դրական մթնոլորտը: 

Հայաստանյաց Ավետարանական Եկեղեցու Հոգեւոր խորհրդի անդամները գոհունակությամբ նշել են, որ իրենց գործունեության ընթացքում մշտապես զգացել են պետության եւ երկրի ղեկավարի քաջալերական վերաբերմունքը: 

Հանրապետության նախագահին ներկայացնելով հումանիտար, կրթական, մշակութային ոլորտներում Եկեղեցու կողմից կատարվող աշխատանքն, ավետարանականներն ասել են, որ իրենց նպատակն է դաստիարակել ոչ միայն քրիստոնյա, այլեւ` հայեցի եւ հայրենասեր երիտասարդներ: Հոգեւոր խորհրդի անդամները նաեւ ասել են, որ բարեգործության հետ մեկտեղ ներկայումս սկսել են իրականացնել զարգացման ծրագրեր:

Նշելով, որ 2008 թվականը կարեւոր տարի է Հայ Ավետարանչական ընկերակցության համար` տոնվելու է Հայ Ավետարանական ընկերակցության 90-րդ տարեդարձը, վերապատվելի դոկտոր Ռընե Լեւոնյանը Նախագահին տեղեկացրել է այդ առիթով նախատեսվող միջոցառումների մասին:

Նա ներկայացրել է նաեւ "Խղճի ազատության եւ կրոնական կազմակերպությունների մասին" գործող օրենքի վերաբերյալ Հայ Ավետարանական Եկեղեցու մոտեցումներն ու առաջարկությունները:

Մեր կայքի մշտական այցելուները հիշում են, որ ամիսներ առաջ ներկայացրեցինք նախագահի աշխատակազմի նախկին աշխատակցուհի Իրինա Ղուլինյանի "Նախագահական հումոր" հավաքածուն, որում նա ի մի էր բերել տարբեր առիթներով նախագահ Քոչարյանի սրամիտ ու հումորային արտահայտությունները: Քանի որ հիշյալ հավաքածուում երկու դրվագ կար Ռոբերտ Քոչարյան-Ռընե Լևոնյան մեկ այլ` 2006 թվականին տեղի ունեցած հանդիպմումից, հարկ համարեցինք բաց չթողնել դրանք կրկին ներկայացնելու առիթը:

2006թ. հանդիպում էր Հայ ավետարանչական եղեկեցու պատվիրակության հետ: Զրույցի ընթացքում Ռընե Լեւոնյանը Նախագահին առաջարկեց գնալ Շվեյցարիա, որտեղ ցույց կտա փաստաթղթային ապացույցներ առ այն, որ դեռ 1800-ականներին Շուշիում ավետարանչական եկեղեցի է եղել: Նախագահն ասաց. "Կարծում էի` պիտի ասես գնանք Շուշի": Հետո էլ թե. "Գերապատվելի, բա ո°ւմ հաշվին ենք գնում` ի°մ, թե° քո": Ռընե Լեւոնյանը թե. "Պարոն Նախագահ, ախր ավետարանչականի միջոցները...", Նախագահը ծիծաղելով ընդմիջեց. "Չեղավ, չեղավ, մեր հարեւանությամբ ԱՄՆ դեսպանատան շենքն եք առնում ու դեռ միջոցներից դժգոհո°ւմ...":

Հետո Ավետարանչականի խնդիրների մասին խոսեցին, ու դրանցից մեկի լուծման համար Նախագահը խոստացավ միջնորդել: Ընդ որում, խոսքը ֆինանսական միջոցներ տնտեսելու հնարավորություն ստեղծելու մասին էր:

Ակնհայտորեն լավ տրամադրություն ունեցող Նախագահը կրկին դարձավ Ռընեին. "Գերապատվելի, հիմա էլ հո միջնորդություն արեցի: Դե հիմա ասա` ո°ւմ հաշվին ենք գնում Շվեյցարիա": Ռընե Լեւոնյանը չհապաղեց. "Պարոն Նախագահ, Շվեյցարիան Ձեր հաշվին, Շուշին` իմ": "Այ մարդ, էդքան միջնորդեցի` վարձքս Շուշի°ն էր...": Ամբողջ պատվիրակությունը քահ-քահ ծիծաղում էր Նախագահի ու Գերապատվելու մենամարտի վրա:

Լուսանկարներ
|
Նյութեր
ՆաԵՎ կարող է հետաքրքրել
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
www.2rd.am և www.2nd.am կայքերի այցելուների կողմից մեզ ուղարկվող բոլոր նյութերը անկախ ձևից, քանակից և ծավալից ամբողջապես կամ հատվածաբար տեղադրվում են էջում միայն կայքի քաղաքականությանը համապատասխանելու դեպքում: